Sakrifica e juaj për studentët
Në kohërat e krizës globale, përkrahja juaj i jep prioritet edukimit.
Që nga fillimi i krizës globale në nëntor të vitit 2008, përkrahësit si ju dhanë shumën e $300,000 për ta përkrahur Fondin Kosovaro Amerikan për Edukim, duke demonstruar kështu devotshmërinë tuaj ndaj edukimit. Zemërgjërësia juaj vjen në mes të krizës globale, në kohën kur nivelet globale të përkrahjeve uleshin vazhdimisht.
“Për shumë programe përreth botës, donatorët janë duke dhënë me pak”, that William Brown, zëvendës kryetar për zhvillim. “Ajo çka është më interesante, është fakti se përkrahja ndaj KAEF-it është rritur. Kjo tregon se donatorët e kuptojnë se ardhmëria e Kosovës varet nga edukimi”.
Përkrahja juaj është treguar të jetë thelbësore për suksesin e KAEF-it. Përderisa shumë programe që ofrojnë bursa janë detyruar të zvogëlojnë numrin e bursistëve, KAEF-i në të kundërtën, për herë të parë në historinë e tij, është zgjeruar në vitin 2009 duke ndarë nëntë bursa.
Nga viti 2005, zemërgjërësia e juaj ka ndihmuar që të ndahen 48 bursa për liderët e rinj kosovarë. Bursistët që e kanë kryer programin janë kthyer në Kosovë dhe veprojnë për ta zhvilluar shtetin e tyre.
Me përmirësimin e ekonomisë, donacionet e juaja do të luajnë rol jetësor për KAEF-in, dhe nëpërmjet KAEF-it, ky rol do të jetë jetësor edhe për Kosovën.